Mozkorra egonda bi semeekin gidatzeagatik atxilotu dute, Bilbon

Bilboko Udaltzaingoak atzo arratsaldean mozkorra egoteko sintomak zituen emakumezko bat atxilotu zuten. Dirudienez, 4 eta 6 urteko bi semeak zeramatzan berarekin autoan, eta istripu abt eragin zuen.

Udaltzaingoak azaldu duenez, atzo, 20:00etan, ibilgailu batek istripu bat izan zuen Arbolantza Bideko kalean, eta bertaratu ziren agenteek ibilgailuko gidariak mozkorra egoteko seinaleak zituela ikusi zuten.

Poliziek 40 urteko emakumezkoa atxilotu zuten, alkoholemia-proba egiteari uko egin ostean. Autoan zihoazen bi umeak aitaren esku utzi zituzten.