Gizartea -
Ezbeharra, Nafarroan
40 urteko gizon bat hil da Azpirotzen, zirkulazio istripu batean
Gizonezkoaren autoa bidetik atera, eta Azpirotzeko tunelaren hormaren aurka talka egin du.
Erredakzioa
Leitzako 40 urteko bizilagun bat hil da gaur goizaldean, A-15 autobidean, Azpiroitzen, Larraunen (Nafarroa), jazotako zirkulazio istripu batean.
Foru Gobernuak azaldu duenez, ezbeharra 00:28an gertatu da. Ordu horretan, Donostiarako noranzkoan zirkulatzen ari zen ibilgailu bat bidetik atera, eta talka egin du Azpirotzeko tunelaren hormaren aurka.
Horren ondorioz, ibilgailuak su hartu du, eta gidaria barruan harrapatuta geratu da.
Autobidea itxita izan dute 05:15 arte.
Hau zure interesekoa bada, baliteke beste gai hauek ere izatea
