Hiru langile zauritu dira Erandioko lantoki batean izandako sutean

Sute bat piztu da gaur goizaldean Erandioko (Bizkaia) Cables y Alambres enpresan, eta hiru langile Gurutzetako (Barakaldo) ospitalera eraman behar izan dituzte ke gehiegi arnasteagatik.

Sutea 02:55 aldera piztu da, gantzen aleaziorako makina batean. Ezbeharra gertatu denean makinarekin lanean ari ziren hiru lagunak dira zaurituak, Segurtasun Saileko iturriek jakitera eman dutenez.

Suhiltzaileek 03:30 aldera lortu dute sua itzaltzea, eta kalteak makinara mugatu dira, bestelakoan ez baitu aparteko ondoriorik utzi eraikinean.

Hiru langileak kea arnasteagatik eraman dituzte Gurutzetako ospitalera, baina ez da daude larri.