Gizartea -
Emakumeen kontrako indarkeria
Bi gizon atxilotu dituzte Bilbon, bikotekideei eraso egitea leporatuta
Erasoak goizaldean jazo dira. Atxilotuek ustez sukaldeko labanekin eraso diete bikotekideei.
Erredakzioa
Bi gizon atxilotu dituzte goizaldean Bilbon, ustez bikotekideei eraso egiteagatik.
Emakumeen kontrako indarkeria kasuetako bat goizaldeko 02:00etan jazo da Bilbon. Ertzaintzaren agenteek gizonezko bat atxilotu dute bikotekideari eraso egitea leporatuta.
Antza denez, bere bikotekidearekin eztabaida izan du eta labana batekin eraso dio behatz batean zauriak eraginez.
Goizaldean, ordu beretsuan, Bilboko udaltzainek beste gizonezko bat atxilotu dute, Errekalde auzoan, emazteari eraso egitea leporatuta.
Antza denez, biktimak eman die gertatutakoaren berri udaltzainei. Emakumeak bere senarra etxera mozkortuta heldu dela adierazi die agenteei. Alaba eta bera hilko dituela esanez mehatxu egin diela salatu du.