Gizartea -
Gertakaria
Aita-alaba batzuen gorpuak aurkitu dituzte Kasedan, Nafarroan
Bardeako kanalean urperatuta zegoen auto batean aurkitu dituzte hilotzak.
Erredakzioa
Aita-alaba batzuen gorpuak aurkitu dituzte Kasedan, Nafarroan. Bardeako kanalean urperatuta zegoen auto batean atzeman dituzte hilotzak.
Bart gauean, hildako gizonezkoaren anaia batek Poliziari desagerpenaren berri eman zion, eta bilaketa lanak jarri zituzten martxan. Goizean aurkitu dituzte aita-alaben gorpuak. Hildako neskatoak (12 urte) Down sindromea zuen.
Polizia iturriek jakinarazi dutenez, 08:35ean aurkitu dute biktimaren autoa, Bardeako kanalean urperatuta, barruan aita-alaben gorpuak zituela.
Gizonezkoa, antza, depresioak jota zegoen, eta tratamendua jasotzen ari zen, duela hilabete batzuk alargun geratu ostean. Gertakaria ikertzen ari dira, baina litekeena da bere buruaz beste egin izana.
Ezbeharra zerk eragin duen ikertzeko datozen orduetan autopsia egingo diete gorpuei.
Kaseda mila biztanle inguruko herri txiki bat da, Zangotzako eskualdean dago, Iruñetik 60 bat kilometrora.