Gallardonek abortuaren gainean egindako proposamenak zatitu egin du PP

Rafael Hernando PPk Kongresuan duen bozeramaile-ondokoaren iritziz, ez luke zentzurik izango Gobernua prestatzen ari den abortuaren legearen erreformak Espainiako legedia 1985 baino lehenagoko garaietara eramateak. Orduan onartu zen legeak (egun ez dago indarrean) abortatu ahal izateko epeak ezartzen zituen, eta, horren ustez, "nahiko ondo funtzionatu zuen", eta hori berreskuratu beharko lukete orain.

Alberto Ruiz Gallardon Justizia ministroak "malformazio kasuetan abortatzeko aukera desagerraraztearekin" ados zegoela esan zuen, Hernandok adierazpen horiek ministroaren "hausnarketa pertsonala" direla azpimarratu du.

Adierazpen horiekin bat al datorren galdetuta, Hernandok berari "aborturik ez egon behar izatea" gustatuko litzaiokela azaldu du, baina PPren hauteskundeetako konpromisoa Zapateroren Exekutiboak onartutako legearen erreforma bat bultzatzea dela esan du.

Helburua, 1985eko "baldintzen legea" babestu zuen "Auzitegi Konstituzionalaren epaietara itzultzea" dela adierazi du Hernandok.

"Guk nahiko ongi funtzionatu zuen idatzi batera itzuli nahi dugu. Nire ustez, ondo ebatzita zeuden gaiak berriro aztertzeak ez du zentzurik" ziurtatu du Hernandok.

PPn "gai honen inguruan iritzi desberdinak" daudela onartu du Hernandok, baina "adosten" ahaleginduko direla azpimarratu du.