Gizartea -
Protestak
Wert ministroaren anaiak kalean eman ditu eskolak, murrizketen kontra
Hezkuntza ministroaren anaia Gaztela-Mantxako Unibertsitateko irakaslea da. Gaurko deituta zeuden protestekin bat egin du eta irakasgaia kalean azaldu du.
Erredakzioa
Juan Pablo Wert, Jose Ignacio Wert Espainiako Hezkuntza ministroaren anaiak, eskolak kalean eman ditu astearte honetan Hezkuntzako murrizketen kontra Gaztela-Mantxako Unibertsitatean deitu dituzten protesta ekimenekin bat eginez. 'Unienlacalle' (Uinbertsitatea kalean) izena eman diote ekimenari.
Antolatzaileek euren webgunean iragarri dutenez, Juan Pablo Wertek, Gaztela-Mantxako Unibertsitatean Artearen Historiaren irakasle denak, Ciudad Real hiri erdigunean eskolak emango ditu gaur, "Eskolak kalean" izendatutako saioa emango du "goi mailako irakaskuntzak duen garrantzia" aldarrikatuz.
Bere anaiak erabaki dituen hainbat neurri salatzeko sortutako mugimenduak duen garrantzia azpimarratuko du, hain zuzen, gaurko bere irakasgaiak. Besteak beste, Hezkuntza alorreko profesionalen lanaldia luzatzeak edota unibertsitateko tasak igotzeak "baldintzak okertzen" dituela islatu nahi du protestak.
