Gizartea -
Leherketa bolborategian
Almeriako Legioaren kuarteleko leherketa batean hiru lagun hil dira
Oraindik ez dakite leherketa zerk eragin duen. Hiru pertsona hiltzeaz gain, beste bi lagun zauritu dira.
Erredakzioa
Hiru lagun hil dira Almeriako Legioaren Álvarez Sotomayor de Viator kuartelean gertatu den leherketa batean, 112 larrialdietarako zerbitzuak jakinarazi duenez.
Gutxienez beste bi lagun zauritu dira eta Almeriako Torrecardenas ospitalera eraman dituzte. Beste lagun bat kuarteleko erietxean artatu dute.
Iturri berek esan dutenez, eztanda 14:20an gertatu da, eta osasun zerbitzuetako kideekin batera, hiriburuko suhiltzaileak eta Guardia Zibileko eta Udaltzaingoko kideak bertaratu dira.
Hildako hiru soldaduak. EFE
Hiru hildakoak legionarioak ziren, baita zauritutakoak ere, militarren iturrien arabera, baina oraindik ez dute zehaztu nortzuk hil diren.
Hasiera batean eztanda bolborategian gertatu dela esan duten arren, iturri horiek berretsi dute kuartelaren barruan gertatu dela. Oraindik ikertzen ari dira leherketa zergatik gertatu den.