Gizartea -
Gertaera
BBK-ko bi bulegoren kontrako erasoak izan dira, Bilbon eta Galdakaon
Kristalak kolpatu dituzte ezezagunek. Halaber, Galdakaon pintadak egin dituzte bulego ondoko fatxadan.
Erredakzioa
Bart, ezezagunek BBK-ko bi bulegoren kontrako erasoak egin dituzte, Bilbon eta Galdakaon, Eusko Jaurlaritzako Segurtasun Sailak jakinarazi duenez.
Halaber, Galdakaon, krisi ekonomikoaren inguruko eta bankuen kontrako pintadak egin dituzte.
Antza denez, lehen erasoa 23:20 inguruan gertatu da Bilboko San Inazio auzoko Arrue Margolarien kalean. Ezezagunek bulegoko kristalak kolpatu dituzte, objektu ezezagun bat erabilita.
Bigarren erasoa, 02:00ak inguruan gertatu da Galdakaoko Juan Bautista Uriarte kalean. Kasu honetan kristalak kolpatu eta gainera pintadak egin dituzte.
Hau zure interesekoa bada, baliteke beste gai hauek ere izatea