Gizartea -
Gertakaria
Hiru eta lau urteko neba-arrebak aurkitu dituzte hilda, Algecirasen
Haurrak karbono monoxidoa arnastuta hil direla uste dute.
Erredakzioa
Bi haur topatu dituzte hilda bart gauean Algecirasko (Cadiz) etxebizitza batean.
Hiru eta lau urteko neba-arrebak dira hildakoak. Bart 21:00ak aldera aurkitu dituzte hilotzak Huesca kaleko etxebizitza batean, Bajadilla izeneko auzoan.
Autopsiaren lehen azterketen arabera, litekeena da bi umeak karbono monoxidoa arnastuta hiltzea.
Antza denez, amak topatu zituen seme-alaben hilotzak. Haurrak koinataren ardurapean utzi zituen, baina, heldu zenean, gorpuak bakarrik zeuden etxean.
Poliziaren agenteek gaur goizean aurkitu dute hildako umeen izeba eta galdeketa egin diote gertakaria nola jazo zen argitzeko helburuarekin.
Hau zure interesekoa bada, baliteke beste gai hauek ere izatea