Gizartea -
Araba
Sutea izan da Tubacexen Amurrioko lantegian
Gauerdian piztu da sua, lantegiaren desugertze plantan.
Erredakzioa
Tubacexen Amurrioko lantegiko desugertze plantan sutea izan da.
Lantegiko iturriek jakinarazi dutenez, sua gauerdian piztu da eta suhiltzaileek goizaldeko 02:00etarako erabat amatatzea lortu dute.
Sua zerk eragin duen eta kalteak zenbaterainokoak diren aztertzen ari dira lantegiko teknikoak.
Suak desugertze plantan soilik eragin ditu kalteak, gainerako sailetan normaltasunez dihardute lanean.
Amurrioko desugertze planta konpondu artean, lan horiek konpainiaren beste lantegi batzuetan egingo dituzte.