Gizartea -
79 urteko gizonezko bat
Gizon bat hil da Foruan traktorearen azpian harrapatuta geratu ostean
Gizonezkoa ibilgailuaren azpian geratu da, baratzen eta zelaien zonalde batean.
Erredakzioa
79 urteko gizonezko bat hil da Foruan (Bizkaia) traktore baten azpian geratu ostean, Ertzaintzak jakitera eman duenez.
14:30ean gertatu da ezbeharra eta lagun batek Sos Deiaki abisua eman dio. Dirudienez, gizonezkoak istripua izan du eta traktorearen azpian harrapatuta geratu da, Gaitoka auzoko zelaien eta baratzen zonalde batean.
Ertzaintza, suhiltzaileak eta larrialdietarako zerbitzuak joan dira bertara. Suhiltzaileek traktorearen azpitik atera dute gizonezkoa, baina ezin izan dute ezer egin haren bizia salbatzeko.
79 urteko gizonezkoaren gorpua, Foruako bizilaguna, Bilboko Patologia zerbitzura eramango dute autopsia egiteko.