Autobus bateko bederatzi bidaiari hil dira Avilan izandako istripuan

Bederatzi pertsona hil dira gaur goizean Avilan izandako autobus-istripuan. Ezbeharra Tornadizos herrian gertatu da, N-403 errepidean, 08:45  inguruan.

Autobusean 25 bidaiari zihoazen; bederatzi hil egin dira eta beste hainbat egoera oso larrian daude. Autobuseko gidaria onik atera da.

Serranillos eta Avila arteko ibilbidea egiten ari ziren. Espainiako  Gobernuak Gaztela-Mantxan duen ordezkaritzak esan duenez, autobusak dena behar bezala zuen.

Ikerketa bat ireki dute istripua nola gertatu den argitzeko.