Haur bat eta gizon bat hil dira Añastron, istripu batean

5 urteko haur bat eta 45 urteko gizonezko bat hil dira istripu batean, Añastron (Trebiñu), Larrialdi Zerbitzuetako iturriek jakitera eman dutenez. Beste bi lagun zauritu dira ezbehar horretan.

Istripua 17:18 aldera gertatu da. Bi autok talka egin dute CL-127 errepidean, Añastroko biltegi baten alboan. Zenbait pertsona zauritu dira, eta horietako bat ibilgailu baten barruan harrapatuta geratu da.

Larrialdi zerbitzuek Burgosko Guardia Zibilari, Miranda Ebroko suhiltzaileei eta Sacyleko anbulantzia bati abisua eman diete. Trebiñuko talde mediko bat eta helikoptero bat bertaratu dira. Era berean, Arabako anbulantzia bat bertaratu da.