Gizon batek 40 urteko anaia sastadaz hil du Iruñean

40 urteko gizonezko bat hil egin da astelehen goizaldean, Iruñeako Rotxapea auzoan, anaiak emandako sastadaren ondorioz.

Hildakoa, J.A.M.T., Nafarroako ospitalean hil da.

Gertaera igande gauean izan da, 23:00ak aldera, Marcelo Celayeta kaleko 128 zenbakian, hirugarren solairuan. Udaltzaingoak dei bat jaso du eraso baten berri emateko, eta, biktimaren etxebizitzara heldu direnean, zauritutako gizonezkoa ohearen gainean aurkitu dute, bularretik odola zeriola.

Udaltzaingoak 49 urteko anaia atxilotu du, eta orain epailearen esku uzteko zain dago. Iruñeako Lehen Instrukzio Epaitegiko epaileak hartu du auziaren ardura.