Gizartea -
Gertaera
Obus bat azaldu da Donostiako Zurriola hondartzan
Hondartzetako Garbiketa Zerbitzuko langileek aurkitu dute jaurtigaia goizeko 06:00etan, eta horren berri eman diote Ertzaintzari.
Erredakzioa
Ertzaintzako lehergailu-teknikariek Donostiako Zurriola hondartzan azaldu den obusa kendu dute. Lehenengo hipotesien arabera, seinaleztapeneko ontzigintza-jaurtigaia da, Segurtasun Sailetik jakitera eman dutenez.
Obusak ia metro erdiko luzera du, eta 1,5 kilo eta 74 milimetroko kalibrea.
Hondartzetako Garbiketa Zerbitzuko langileek aurkitu dute jaurtigaia, 06:00etan, Zubiri Institutuaren parean, eta horren berri eman diote Ertzaintzari.
Gunea itxita mantendu dute, 08:15 arte, lehergailu-teknikariek obusa jaso eta polizia-etxera eraman duten arte.
Ertzaintzak beharrezko izapideak abiatu ditu, obusaren jatorria argitzeko.
