Gizon baten gorpua aurkitu dute meategi batean, Alonsotegin

Ertzaintzak gizonezko baten gorpua erreskatatu du ostegun honetan, meategi baten barrutik, Alonsotegin (Bizkaia).

Hasiera batean, ez dute kriminalitate zantzurik aurkitu, baina beharrezko eginbideak egiten ari dira, Segurtasun Sailetik jakitera eman dutenez.

Goizeko 08:45ean, Mintetxu meategian zegoen espeleologo talde batek aurkitu du gizonezkoaren gorpua amildegi batean. Segituan, horren berri eman dio Sos Deiak 112ri, eta Ertzaintza eta osasun zerbitzuak leku horretara bertaratu dira. Behin han zeudela, gorpua bizirik gabe zegoela ikusi dute, eta auzitegiko medikuak joan dira.

Ertzaintzako Erreskate Unitateko agenteek gorpua Bilboko Auzitegiko Patologiako Zerbitzura eraman dute, bertan egingo diote autopsia. Ertzaintzak ikerketa bat abiarazi du gertaera argitzeko asmoz.