Gizartea -
Gertaera
Gazte bat atxilotu dute Bilbon, emakume bati ukituak egitea egotzita
Gertaera ostiralean jazo zen, ustezko erasotzailea emakumezko batengana gerturatu eta ukituak egin zizkion, baina neskak alde egin eta gertatutakoa salatzea lortu zuen.
Erredakzioa
Ertzaintzak 24 urteko gizonezko bat atxilotu du Bilbon, emakumezko bati sexu-ukituak egitea eta adingabeen aurrean sexu-organoak erakustea egotzita, Eusko Jaurlaritzako Segurtasun Sailak jakinarazi duenez.
Ustezko sexu-erasoa atzo arratsaldean izan zen Bilboko Casilda parkean. Gaztea emakumezko batengana gerturatu zen eta ukituak egin zizkion, baina neskak alde egitea eta salaketa jartzea lortu zuen.
19:00ak inguruan, gizonezko bat adingabeei sexu-organoak erakusten ari zela ohartarazi zion lekuko batek Ertzaintzari. Gizona identifikatu eta atxilotu egin zuten, exhibizionismo delitua egotzita.
Izapide polizialak amaituta, epailearen esku utziko dute atxilotua.