Gizonezko bat hil da Oletan (Araba), zuhaitz batek jota

Gizonezko bat hil da gaur goizean Oletan (Araba), mendian lanean ari zela zuhaitz batek jota, Jaurlaritzak jakitera eman duenez.Lan istripua 11:30ean gertatu da, Oletako mendi batean. Ordu horretan, zuhaitz bat erori da langilearen gainean, eta kolpe handia eman dio. Horrenbestez, gune aldapatsu batean konorterik gabe geratu da, Larrialdi Zerbitzuek azaldu dutenez.Gasteizko suhiltzaileak istripua izan den tokira bertaratu dira, baina langilea bertan hil da.Ertzaintzak eta Osalanek lan istripu honen nondik norakoak ikertuko dituzte, Jaurlaritzak azaldu duenez.