Gizartea -
Gertakaria
Gizon baten gorpua aurkitu dute Kontxako hondartzan, Donostian
Hilotza Perla inguruan agertu da, eta ez zituen indarkeria zantzuak.
Erredakzioa
Gizonezko baten gorpua aurkitu dute gaur goizean Donostiako Kontxa hondartzan, Segurtasun Sailak jakitera eman duenez.
Herritar batek eman dio gorpuaren aurkikuntzaren berri Ertzaintzari, 07:30 aldera. Perla talasoterapiaren parean omen zegoen hilotza, eta ez diote, printzipioz, indarkeria zantzurik aurkitu.
Oraindik ez dakite nor den hildako pertsona eta nola gertatu den heriotza, baina baliteke gizonezkoa itota hil izana. Hala ere, Segurtasun Sailak autopsia egin arte itxarongo du gertatutakoa argitzeko.