Gizartea -
Igandean desagertu zen
Indarkeriaz hildako emakume baten gorpua aurkitu dute, Coruñan
Cabanas herrian (Coruña) aurkitu dute hilotza, haren etxetik berrehun metrora, gauerdian. Igandean, senideek salaketa jarri zuten, paseoan irten eta gero emakumea desagertuta zegoela eta.
Erredakzioa
Gauerdian, igandean desagertutzat jo zuten emakume baten gorpua aurkitu dute Cabanas Coruñako herrian, haren etxetik metro batzuetara. Gorpuan, indarrez hil dutela erakusten duten arrastoak ikusi dituzte.
Guardia Zibilak emandako informazioaren arabera, 46 urteko emakumea paseoan atera zen, igande arratsaldean, eta, itzuli ez zela ikusita, senideek salaketa jarri zuten.
Gauerdian, bilaketa taldeak emakumearen hilotza aurkitu du, baso-pista batean, haren etxetik berrehun bat metrora.
Guardia Zibilak ikerketa abiatu du, heriotza zelan eragin dioten argitzeko.