Mozkortuta, kontrako noranzkoan eta autoan sei lagunekin ibili da

Bilboko Udaltzaingoak 30 urteko gizonezkoa atxilotu zuen atzo gorri zeuden hiru semaforo igarotzeagatik eta kontrako norabidean gidatzeagatik. Gainera, ibilgailuan sei lagun zihoazen eta gidaria mozkortuta zegoen.

Gertaera goizaldeko lauetan izan zen, Barrinkua kalea eta Errekaldea etorbidea batzen diren lekuan. Udaltzaingoak modu zakarrean gelditu behar izan zuen beste auto batekin talka ez egiteko. Auto horrek gorri zegoen semaforoa igaro zuen eta abiadura handian zihoan.

Ibilgailuak beste bi semaforo igaro zituen ondoren, horiek ere gorrian, eta Juan Ajuriagerra kalea hartu zuen. 150 metro egin zituen kontrako norabidean.

Udaltzaingoak bidea moztu ahal izan zion eta ibilgailuan sei lagun zihoazela ikusi ahal izan zuten. Gidaria, gainera, mozkortuta zegoen. Alkoholemia probak 0,50eko tasa eman zuen. Udaltzaileak bide-seguntasunaren aurkako delitu batengatik atxilotu zuten gizonezkoa.