Gizartea -
Partekatutako artxiboak
18 pertsona atxilotuta, haur-pornografiaren aurkako operazio batean
Horietako hiru Gasteizen, Donostian eta Bilbon atxilotu dituzte. Sareak bideoak partekatzen zituen, eta irudiotan lau eta sei urte bitarteko umeei egindako abusuak ikus zitezkeen.
Erredakzioa
Polizia Nazionalak 18 pertsona atxilotu ditu eta beste 11 inputatu, horietako hiru Euskadin, lau eta sei urteko umeei egindako abusuak jasotzen zituzten bideoak Interneten partekatzeagatik.
Ikerketa Murtzian abiarazi zuten, zenbait erabiltzailek adin txikikoei egindako abusuak jasotzen zituzten bideoez ohartarazi ostean.
Ikertzaileok artxibo horiek erabili zituzten, eta aurreko operazio batzuetan atzemandako beste artxibo batzuk ere bai, artxiboak partekatzeko sare ezagun batean jarraipena egin ahal izateko, eta horri esker 38 konexio aurkitzea lortu dute.
Aratutako artxiboen bidez, ustez haur-pornografia zuten eta zabaldu duten 29 pertsona identifikatzea lortu dute, eta 38 miaketa egin ditu Poliziak.
Operazioa Bartzelonan, Madrilen, Tarragonan, Gironan, San Adria del Besosen, Sevillan, Cordoban, Jerez de la Fronteran, Cadizen, Zaragozan, Huescan, Castellon, Valentzian, Alacanten, Gasteizen, Donostian, Bilbon, Ciudad Realen, A Coruñan, Malagan, Burgosen eta Caceresen egin dute.