Gizartea -
Gertakaria
Tolosan igandean desagertutako gizonaren gorpua topatu dute
46 urteko gizonezkoa zergatik hil den argitzeke dago oraindik.
Erredakzioa
Igandetik desagertuta dagoen 46 urteko Tolosako bizilagunaren gorpua gaur eguerdian topatu dute, Eusko Jaurlaritzako Segurtasun Sailak jakitera eman duenez.
Iturrion arabera, oraindik argitzeke dago zergatik hil den gizasemea.
Bilaketa lanetan zebiltzan taldeek gizonaren autoa aurkitu zuten Tolosako Montezku auzoan, baina gaur arte ez dute jabearen gorpua topatu.
Ertzaintzaren hainbat unitate, Gurutze Gorriko, Udaltzaingoko, Babes Zibileko eta Tolosako ehiza elkarteko kideek parte hartu dute bilaketa lanetan eta helikoptero batek ingurua miatu du. Senitartekoek igandean eman zuten desagertzearen berri.
Hau zure interesekoa bada, baliteke beste gai hauek ere izatea