Gizartea -
Gertakaria
Emakume bat hil da Sestaon, sute batean
Suhiltzaileek berehala itzali dituzte garrak, baina beranduegi izan da, eta 93 urteko emakumea hilik aurkitu dute, sutea piztu den gelan.
Erredakzioa
Sestaoko etxebizitza batean sutea izan da eta 93 urteko emakume bat hil da, Euskadi Irratiak jakitera eman duenez.
Sestaoko Ignacio Zuloaga kaleko zazpigarreneko laugarren solairuan izan da ezbeharra, goizaldeko ordu bata aldera.
Suhiltzaileek eta larrialdietarako zerbitzuek eraikineko bizilagunak aterarazi dituzte badaezpada ere, eta berehala lortu dute sutea menperatzea.
Suhiltzaileek, hala ere, 93 urteko emakumea hilik topatu dute, sutea sortu den gelan antza. Ezbeharra zerk eragin duen argitzeko ikerketa zabalik daukate uneotan.