Gizartea -
Sutea
Bost pertsona artatu dituzte Beasainen, kea arnasteagatik
Emakume bat, bi adingabe eta bi ertzain dira artatutakoak. Agenteak Zumarragako Ospitalera eraman behar izan dituzte.
Erredakzioa
Bost pertsona artatu behar izan dituzte gaur goizaldean Beasainen (Gipuzkoa), etxebizitza batean piztutako sutean kea arnasteagatik, Segurtasun Sailak jakinarazi duenez.
Sua 01:30ean piztu da, Erauskin kaleko laugarren zenbakiko lehenengo solairuan. Suhiltzaileek azkar amatatu dituzte sugarrak, baina arazo nagusia keak sortu du. Bost pertsona (emakume bat, bi adingabe eta bi ertzain) artatu behar izan dituzte. Bi agenteak, gainera, Zumarragako Ospitalera eraman behar izan dituzte.
Eraikina ez dute hustu behar izan.
Hau zure interesekoa bada, baliteke beste gai hauek ere izatea