Gizartea -
Ezbeharra
Barakaldoko gazte bat labankadaz hil dute Kantabrian
Hilketa larunbatean gertatu zen, gizonezko biak Arnueroko txalet batean zeudenean. Eguerdian, "elkarri oihuka" ibili ziren, eta, horrenbestez, auzotarrek Guardia Zibilari hots egin zioten.
Erredakzioa
Guardia Zibilak 27 urteko gizonezko bat atxilotu du Kantabrian, Barakaldoko 28 urteko gizonezko bat Arnueroko txalet batean labankadaz hiltzea egotzita. Atxilotuak gaur deklaratuko du epailearen aurrean.
Hilketa larunbatean gertatu zen, gizonezko biak txaletean zeudenean. Eguerdian, "elkarri oihuka" ibili ziren eta, horrenbestez, auzotarrek Guardia Zibilari hots egin zioten.
Patruila bat iritsi zenerako, gaztea hilik zegoen, Guardia Zibilak azaldu duenez. Ustezko hiltzailea bertan zegoen, eta atxilotuta eraman zuten.