Gizartea -
Istripua
Gizon bat larri zauritu da Tolosan, ibilgailu batek harrapatuta
64 urteko gizonezkoa Donostia Ospitalera eraman dute anbulantzian. Istripua zerk eragin ote duen ikertzen dihardute.
Erredakzioa
64 urteko gizonezko bat larri zauritu da gaur, astelehena, Tolosa eta Anoeta arteko errepidean ibilgailu batek harrapatuta.
Segurtasun sailak jakitera eman duenez, Tolosatik Anoetara doan GI-3650 errepidean gertatu da ezbeharra, Hernialdeko bidegurutzea baino lehen, 09:50etan.
Ibilgailu batek Tolosako bizilagun bat harrapatu du, baina zergatiak ez daude argi. Zauritua Donostia Ospitalera eraman dute anbulantzian.
Hau zure interesekoa bada, baliteke beste gai hauek ere izatea