Gizartea -
Bilbo
Giza eskeleto bat aurkitu dute Bilboko Itsasadarreko uretan
Ertzaintzako urpekariek eskeleto bat atera dute gaur uretatik, atzo herritar batek abisua eman eta gero, eta Bilboko Auzitegiko Medikuntza Zerbitzura eraman dute, identifikazio lanak egiteko.
Erredakzioa
Ertzaintzaren urpekariek pertsona baten hezurdura atera dute gaur Bilboko Itsasadarreko uretatik, Zorrotzaurreko kaiaren parean, Eusko Jaurlaritzako Segurtasun Sailak adierazi duenez.
Herritar batek Bilboko Itsasadarrean pertsona baten garezurra ikusi zuela jakinarazi zuen asteazkenean. Gaur, goizeko hamaikak aldera, Ertzaintzako urpekariek eskeletoa aurkitu dute, eta Bilboko Auzitegiko Medikuntza Zerbitzura eraman dute, identifikatze lanak has ditzaten.