Emakume bati herio-mehatxua egiteagatik atxilotu dituzte, Portugaleten

35 eta 36 urteko bi gizonezko atxilotu zituzten asteartean Portugaleten, emakume bati herio-mehatxuak egin izana egotzita. Jaurlaritzako Segurtasun Sailak adierazitakoaren arabera, atxilotuek labana bat eta mazo bat erabili zituzten biktima beldurtzeko.

Gertakariak astearte iluntzeko zortziak inguruan gertatu ziren behartsuek lo egiteko erabiltzen duten etxe abandonatu batean. Poliziak jaso zituen hainbat telefono-deiren arabera, gizonezko bi etxeko gela batean sartzen saiatzen ari ziren, eta barruan zegoen emakumeari herio-mehatxuak egin zizkioten horretarako.

Agenteak bertaratu zirenean, bi gizonezko aurkitu zituzten eraikinaren kanpoaldean, etxe barruan zeuden guztiei mehatxu egiten. Hori dela eta, agenteek biak atxilotu zituzten, mehatxu delitua egotzita.