Gizartea -
Istripua Beran
Bi lagun hil dira Beran, auto istripu batean
Furgoneta eta kamioi batek aurrez aurre talka egin dute eta furgonetan zihoazen bi gizonezkoak istripuaren lekuan hil dira.
Erredakzioa
Bi lagun hil dira Berako Zalain auzoan izan den auto istripuan, Nafarroako Gobernuak jakitera eman duenez.
Furgoneta eta kamioi batek aurrez aurre talka egin dute 15.15ean. Furgonetan zihoazen bi gizonezkoak dira hildakoak. Kamioiaren gidariak ez du zauririk izan. Istripua izan den lekura bertaratu diren emergentzietako zerbitzuek ezin izan dute ezer egin. Suhiltzaileek atera behar izan dituzte gorpuak furgonetatik.
N-121-A errepidea erabat moztuta egon da. Foruzaingoaz adierazi duenez, Iruñearako norazkoan ireki dute jada errepidea. Irungo noranzkoan, berriz, trafikoa Zalain industria gunetik bideratzen ari dira.
Foruzaingoa istripuaren arrazoiak ikertzen ari da.