Gizartea -
Gertaera
Jaizkibelen galdutako mendizalearen bilaketa lanei ekin diete berriro
Atzo arratsaldean hasi ziren mendizalearen, 50 urtekoa, bilaketa lanak, senideek abisua eman ostean.
Erredakzioa
Ertzaintzak, Gurutze Gorriak, DYAk eta Gipuzkoako Diputazioko zenbait kidek atzo, larunbata, Jaizkibel (Pasaia eta Hondarribia artean) mendian galdutako mendizalearen bilaketa lanei ekin diete berriro 08:30ean.
Bilaketa taldea atzo hasi zen mendizalea, 50 urtekoa, bilatzen, senideek desagertzearen abisua eman ostean. Gauez etenda egon da bilaketa, eta goizean ekin diote berriro.
Gizona txangotan joan zen Jaizkibelera atzo goizean, baina ez zen bazkaltzeko ordurako etxera bueltatu; horregatik 16:00ak aldera familiak abisua eman zuen.
