Gizartea -
Garaje batean
Hiru etxebizitza-bloke utzarazi dituzte Azkoitian, sute baten ondorioz
03:20an hasi da sutea garaje batean. Kamioi batek su hartu du eta atzerakako hondeamakina batek ere kalteak izan ditu.
Azkoitiko hiru etxebizitza-bloke utzarazi dituzte, garaje batean izandako sute baten ondorioz. Bizilagunak handik denbora gutxira bueltatu ahal izan dira etxera, eta ez da kalte handirik izan, Eusko Jaurlaritzako Segurtasun Sailak jakinarazi duenez.
Iturri horrek adierazitakoaren arabera, 03:20an hasi da sua, Trenbidearen Zumardiko garaje batean. Kamioi batek su hartu du, eta atzerakako hondeamakina batek kalteak izan ditu.
Suhiltzaileak bertaratu dira, eta sugarrak itzali eta ingurua aireztatu ondoren, etxera bueltatzeko baimena eman diete bertatik atera dituzten bizilagunei.
Hau zure interesekoa bada, baliteke beste gai hauek ere izatea