Gizartea -
Gertakaria
Eraikin bat hutsarazi dute Iruñean, sute baten ondorioz
Eraikinaren lehen solairuan hasi da sutea eta pertsona bat ospitalera eraman dute, ustez kea arnasteagatik.
Iruñeko Urdazubiko Monasterioaren kalearen 10.a hutsarazi dute sute bat izan ostean. Eraikinaren lehen solairuan hasi da sutea eta pertsona bat ospitalera eraman behar izan dute, ustez kea arnasteagatik.
Larrialdi zerbitzuek 13:47ean jaso dute sutearen abisua eta suhiltzaileen bi unitate bertaratu dira, bat Iruñekoa eta bestea Cordovillakoa. Anbulantzia bat ere bertaratu da eta sutea sortu den etxebizitzan zegoen gizonezko bat ospitalera eraman dute.
Ke asko irten da etxetik eta eraikineko biztanleak hutsarazi dituzte.
Hau zure interesekoa bada, baliteke beste gai hauek ere izatea