Gizartea -
Zarautz
Gizon bat atxilotu dute adingabe baten aurrean masturbatzea egotzita
Gizonak, ustez, gertuko eserleku batean zegoen 13 urteko neska baten aurrean keinu lizunak egin zituen, Deba eta Zarautz lotzen dituen trenean.
Erredakzioa
Ertzaintzak 67 urteko gizon bat atxilotu du Zarautzen, tren batean adingabe baten aurrean masturbatzeagatik askatasunaren sexualaren aurkako delitu bat egotzita.
Segurtasun sailak azaldu duenez, asteazkeneko 10:30 aldera askatasun sexualaren aurkako delitu baten berri jaso zuen Ertzaintzak.
Gizonak, ustez, gertuko eserleku batean zegoen 13 urteko neska baten aurrean keinu lizunak egin zituen, Deba eta Zarautz lotzen dituen trenean. Adingabea Zarautzen jaitsi zen trenetik eta gizona biktima jarraitzen saiatu zen, baina adingabeak bere helmugara iristea lortu zuen.
Ordu batzuk beranduago, biktimak emandako deskripzioa betetzen zuen gizon bat topatu zuten agenteek Zarautzen eta atxilotu egin zuten.