Erruduntzat jo dute Oiartzunen garraiolari bat hil zuen gidaria

Oiartzunen 2011ko abenduan garraiolari bat hiltzea leporatuta epaitutako kamioilaria erruduntzat jo du epaimahaiak.

Epaimahaiak giza hilketaren delitua egin zuela iritzi dio, edanda zegoela eta delitua aitortu zuela aringarri gisa onartuta, gertaerak izan zirenean edanda zegoelako eta Ertzaintzari lagundu ziolako, damututa azaltzeaz gain.

Gipuzkoako Auzitegiko Lehenengo Sekzioan aurreko asteko asteartetik izandako ahozko bistan, akusatuak aitortu egin zuen 2011ko abenduaren 11n biktimarekin hainbat aldiz eztabaidatu zuela, eta labana hartu zuela, bere kideak mehatxu egin ziolako. Horren ostean gertatu zenaz ez zela gogoratzen gaineratu zuen.

Epaia irakurri ostean, arratsaldean, saio labur bat egin da, eta bi aldeek epaimahaiak ezarritako zigorraren arabera moldatu dute euren eskaria.

Akusatuarentzat zortzi urte eta erdiko kartzelaldia eskatu du Fiskaltzak, eta biktimaren familiari ia 200.000 euroko kalte-ordaina emateko.