Ostarteak eta hego-haizea nagusi, eta haize-bolada indartsuak tarteka

Zerua hodei garaiekin aurkeztuko da gaur kostaldean eta zeru urdina nagusituko da erdialdeko orduetan. Hala ere, euri ahulak izan daitezke Arabako hego mendebaldean. Tenperaturek gora egingo dute gutxinaka eta hego haizea nagusi izango da haize-bolada indartsuekin tarteka.

Bihar hodeiak izango dira nagusi eta Araban euri zaparrada ahulak izan daitezke. Tenperaturek behera egingo dute eta hego-haizea egingo du. Haize-bolada indartsuak izango dira gauerdian eta goizaldean.

Gaurko goizaldeko tenperatura minimoak 15 gradu Donostian, 16 Bilbon eta 9 Gasteizen izan dira. Tenperatura altuei dagokionez Donostian eta Gasteizen 21 gradu izan dituzte eta 22 Bilbon.

Itsasoan, lehen hogei itsas miliatan, haizeak hego-ekialdetik joko du hiruko edo lauko indarrarekin. Tokiko bosteko indarra izango du egunaren amaieran eta itsaskirria edo itsaskia egongo da. Itsasoaren hondoa metro batekoa edo mi metrokoa izango da,  mendebaldekoa eta ipar-mendebaldekoa.

Segurtasun sailak atzo jakitera eman zuenez abisu horiak aktibatu dituzte gaur eta bihar haize bolada bortitzak espero direlako. Gaur hasi eta asteazken goizaldera arte iraungo dute abisu hauek, izan ere, 100 kilometro orduko abiadura gaindituko dituzten haizeteak espero dira, batez ere mendi guneetan.

Haize bolada hauek 60 eta 80 kilometro orduko tartean ibiliko dira arriskutik kanpo dauden guneetan. Arrisku larriena jasango duten guneak EAEko ekialdean kokatuak daudenak izango dira.

Osteguneko arratsalde aldean itsasbazterrera eta gune menditsuetara iritsiko dira haize indartsuak.