Gizartea -
Sutea
Zauritu bat Nafarroako sute batean kea arnasteagatik
Esteribargo gazteak bere etxean hasitako sua itzaltzen saiatu da eta Nafarroako Ospitalera eraman behar izan dute.
Erredakzioa
Esteribargo gazte bat Nafarroako Ospitalera eraman behar izan dute bere etxean piztutako sutea itzaltzen saiatu denean eta kea arnasteagatik zauritu ostean. Sutea gauzatu den etxea, Atekua, San Lorentzo kalean aurkitzen da.
Gaztea, anaiaren laguntzarekin sutea itzaltzen saiatu da suhiltzaileak iritsi diren arte. Hasieran Zubiriko anbulatoriora eraman dute eta hortik Nafarroako Ospitaleko bidea hartu dute.
Hasierako hipotesien arabera sutea tximinia alboan erregaiak zeudelako sortu da eta teilaturaino heldu da. Egurrezko hainbat habe kaltetu dira.
Sutea itzaltzeko suhiltzaileek landa autoponpa bat eta eskala ibilgailu bat erabili behar izan dituzte.