Gizartea -
Noos auzia
Urdangarinen intimitatea urratu dutenik ukatu du epaileak
Palmako dukeak helegitea aurkeztu zuen bere posta elektronikoa argitaratzeagatik, baina Bartzelonako epaile batek atzera bota du. Euro bateko kalte-ordaina eskatzen zion dukeak Torresi.
Erredakzioa
Iñaki Urdangarin Palmako dukeak helegitea aurkeztu zuen bere posta elektronikoa argitaratzeagatik, baina Bartzelonako epaile batek atzera bota du. Noos Institutuko ordenagailutik bidalitako mezuen argitalpenak bere intimitatea urratzen zuela uste zuen dukeak.
Diego Torres bazkide ohiari eta zazpi argitaletxeri euro bateko kalte-ordain sinbolikoa eskatzen zien dukeak, baina Bartzelonako epaileak helegitea bertan behera utzi du sententzian.
EcoPrensa S.A., Unidad Informacion General, SLU, El Semanal Digital, Semana S.L., Publicaciones Heres S.L. eta Titania Compañia Editorial enpresei posta elektronikoen argitalpena debekatzeko eskatzen zuen Urdanagarinek helegitean, nahiz eta Noos Institutuko ordenagailuetatik bidali.
Posta elektronikoari buruz orain arte argitaratutako albisteak "ikerketa judizial oso garrantzitsu baten barruan" kokatu behar direla gogorarazi du epaileak sententzian. Magistratuaren hitzetan, "mezuek interes orokorra dutela ez dago zalantzarik eta honenbestez, intimitate eskubidea desagertu egiten da".
