Gizartea -
Ezbeharra Nafarroan
Hiru pertsona zauritu dira istripu batean, Deikaztelun
Ezbeharra 18:16 aldera gertatu da NA-666 errepidean. Biktimen furgoneta errepidetik atera eta irauli egin da. 55 urteko gidaria, 89 urteko emakume bat eta 87 urteko gizon bat zauritu dira.
Erredakzioa
Hiru pertsona zauritu dira istripu batean, Deikaztelun, Nafarroako Gobernuak jakitera eman duenez.
Ezbeharra 18:16ean gertatu da, NA-666 errepidean (Allo-Sesma). Biktimen furgoneta errepidetik atera eta irauli egin da. 55 urteko gidaria, 89 urteko emakume bat eta 87 urteko gizon bat zauritu dira.
Lizarrako suhiltzaileak bertaratu dira eta biktimetako bat ibilgailutik atera dute, harrapatuta baitzegoen. Era berean, Alloko talde medikoa eta bi anbulantzia bertaratu dira. Zaurituak Lizarrako Garcia Orcoyen ospitalera eraman dituzte. Foruzaingoa ezbeharra ikertzen ari da.