Gizartea -
Erreskatea Gorbeian
Ertzaintzak mendizale talde bat erreskatatu du Gorbeian
Gazteek 20-23 urte artekoak dira eta egoera onean daude.
Erredakzioa
Ertzaintzak bost gaztez osatutako mendizale taldea erreskatatu du gaur goizean Gorbeia mendian. Lainoagatik eta euriagatik galdu egin ziren atzo eta gaua Gorostiano babes-etxean igaro dute. Bertan topatu ditu Ertzaintzak.
Gazteak 20-23 urte artean dituztela eta ongi aurkitzen direla jakinarazi du Segurtasun Sailak. Gazteek SOS Deiak larrialdi zerbitzura deitu dute, gaua babes-etxean igaro eta gero.
Mendizaleak Gasteizko Zarate herritik igo dira Gorbeiara, ibilgailua bertan aparkatu eta gero.
Ertzaintza gaur goizean joan da Gorbeiako Gorostiano babes-etxera, gazteen bila, Ertzaintzaren bozeramaile batek adierazi duenez.
Hau zure interesekoa bada, baliteke beste gai hauek ere izatea