Gizartea -

Gertaera

Usurbilgo sukurtsal batean lapurtu dute armekin

Bi pertsona Usurbilgo BBVA sukurtsalean sartu dira, eta bertan zeuden langileei mehatxu egin diete. Geroago, ihes egin dute.

Lapurreta BBVA banketxeak Usurbilen duen sukurtsalean izan da. Argazkia: EITB
BBVA sukurtsala
Lapurreta BBVA banketxeak Usurbilen duen sukurtsalean izan da. Argazkia: EITB

Erredakzioa

Whatsapp Facebook Twitter Telegram Email

Bi pertsonek, eskopeta batez armatuta, Usurbilgo (Gipuzkoa) sukurtsal batean lapurtu dute, Segurtasun Sailak jakitera eman duenez.

14:05ean, biak, Usurbilgo Errakatxiki kalean dagoen BBVA sukurtsalean sartu, eta bertan zeuden langileei heriotza-mehatxuak egin dizkiete. "Diru kopuru bat" hartu dute, eta, oinez joan dira, Segurtasun Sailaren arabera.

Ertzaintza susmagarriak bilatzeko eta identifikatzeko lanean ari da.

Hau zure interesekoa bada, baliteke beste gai hauek ere izatea