Gizartea -
Galdeketa Itziarren
Debaren barruan auzo-udala sortzeko galdeketa eguna dute Itziarren
900 lagunek dute botoa emateko eskubidea. Galdeketa ez da loteslea izango, baina Debako Udalean ordezkaritza duten alderdiek erreferentzia gisa hartu ahal izango dute.
Erredakzioa
Igande honetan Europako Parlamenturako hauteskundeak ditugu Euskal Herrian eta Europako hamaika tokitan. Hauteskundeekin batera, galdeketa eguna dute gaur Itziarren, eta Debaren barruan auzo-udala sortzearen inguruan iritzia emateko aukera izango dute 900 lagunek.
Denon Herria plataformak deituta ari dira egiten galdeketa. Plataformaren iritziz, Itziar auzo-udal bihurtzea da aukerarik onena, baina galdeketa deitu du, herritarren iritzia jakiteko.
900 lagunek dute botoa emateko eskubidea. Galdeketa ez da loteslea izango, baina Debako Udalean ordezkaritza duten alderdientzat erreferentzia gisa balioko du.
Hauteslekuak 20:00ak arte egongo dira irekita.
