Gizartea -
Ezohiko zundaketak
Kanarietan petrolioa bilatzeko zundaketak egingo ditu Gobernuak
Azterketak jarrera dinamikoko itsasontzi baten bitartez egingo dira, Kanarietako kostatik 60 bat kilometrora.
Erredakzioa
Nekazaritza, Elikadura eta Ingurumen Ministerioak ostegun honetan bidea libre utzi dio "zundaketak" egiteari petrolioa bilatzeko Kanarietatik gertu dauden uretan, baina neurri "prebentiboak" ezarri ditu, balizko arriskuak ekiditeko.
Ministerioak aldeko ingurumen inpaktuaren deklarazioa bidali dio "Kanariak 1etik 9ra izendatutako hidrokarburoen ikerketa baimenetan zundaketak egiteko perforazio proiektuari".
Azterketak jarrera dinamikoko itsasontzi baten bitartez egingo dira, Kanarietako kostatik 60 bat kilometrora. Harrien eta fluidoen adierazgarriak hartuko ditu, gunean hidrokarburoa dagoen detektatzeko.
Baimenak ez dakar "petrolioa ateratzea inolaz ere", eta, bultzatzaileak etorkizunean jarduera hori egin nahiko balu, "proiektu berri bat aurkeztu beharko luke", horri ingurumen ebaluazio prozedura berri bat egingo litzaioke, partaidetza publikora irekita.