Gizartea -
Jaengo Aire Jaialdian
Dario Barrio sukaldaria hil da, base-jauzia egiten ari zela
Jaialdiko ikuskizun batean ari zen parte hartzen, base-jauzien modalitatean. Lehen informazioen arabera, jausgailua ez da ireki.
Erredakzioa
Dario Barrio sukaldaria hil da ostiral honetan Jaenen, base-jauzia egiten ari zela. Yelmoko aire jaialdian ari zen parte hartzen, base-jauziko ikuskizun batean. Aireontzi batetik jauzi egin ordez, objektu finko batetik salto egitean datza modalitate hori.
Antolakuntzako iturriek jakitera eman dutenez, Segura de la Sierrako gaztelutik gertu ari zen saltoan. Lehen informazioen arabera, salto egin du eta ez zaio ireki paraxuta.
Hain zuzen ere, 2013ko abuztuan hildako Alvaro Bulto omentzen ari ziren jaialdian.