Gizartea -
Ezbeharra Bizkaian
Traktore baten gidaria hil da Mundakan, tren batek harrapatuta
Istripua Mundakako EuskoTren geltokitik 750 bat metrora gertatu da, Bermeoko noranzkoan. Tren batek traktorea aurretik eraman du eta gidaria hil da.
Erredakzioa
Traktore baten gidaria hil da arratsaldean, Mundakan (Bizkaia). Tren batek ibilgailua aurretik eraman du, Segurtasun Sailak jakitera eman duenez.
Ezbeharra 18:40 aldera gertatu da. Istripua Mundakako EuskoTren geltokitik 750 bat metrora gertatu da, Bermeoko noranzkoan.
Tren batek traktorea aurretik eraman du eta talkaren ondorioz gidaria hil egin da. Ezbeharra dela eta trenen zirkulazioa eten behar izan dute.
Gertakariaren nondik norakoak argitzeko ikerketa abian jarri du Ertzaintzak.