Hamar etxebizitza hustu dituzte Lizarran, basoko sute bat dela eta

Lizarrako familiabakarreko hamar etxebizitzatako bizilagunak atera dituzte, inguruko basoan piztutako sute bat dela eta.

Prebentzio neurri gisa hustu dituzte etxeak, Nafarroako Gobernuak adierazi duenez, eta ez da inor zauritu.

Sutea 15:07an piztu da Belaustegi mendiaren hegal batean, eta suhiltzaileek jada kontrolpean dute.

Suak NA-132-A (Lizarra-Gasteiz) errepidean, 0 eta 2,9 kilometroen artean mozketak eragin ditu, suhiltzaileen lana errazteko.