Gay Harrotasunaren martxak manifestariz bete du Madrilgo erdialdea

Larunbat arratsaldean Madrilen egin duten Gay Harrotasunaren 2014ko martxak kolorez, mozorroz eta musikaz bete ditu Madrilgo erdialdeko kaleak, karrozak abiatu baino lehen ere. Manifestazioak giro aparta izan du; zenbait lagun toreatzailez, gladiadorez edo Conchita Wurst abeslariaz jantzita irten dira. Wurst, hain zuzen ere, Harrotasunaren jaiaren pregoilarietako bat izan da.

Parte-hartzaileen artean, zenbait familia egon dira, ume txikiekin, munduko hainbat herrialdetik heldutako atzerritar asko eta Estatuko hainbat lekutatik iritsitako zenbait lagun ere bai.

Euren sexu-askatasuna defendatu ezin dutenak gogoraraziz

Lesbianen, Gayen, Transexualen eta Bisexualen Estatu Federazioaren eta Kolektiboaren presidenteek euren sexu-askatasunaren alde munduan kalera irteteko aukerarik ez dutenak gogorarazi dituzte.

Felgtbeko Boti G. Rodrigok eta Cogameko Esperanza Monterok hiritar guztien eskubideak aldarrikatu dituzte; batez ere, lesbianak, gayak, transexualak eta bisexualak zigortzen dituzten herrialdeetako hiritarrenak.