Gizartea -
Gipuzkoa
Gazte bat atxilotuta Urnietan 16 urteko neska bati ukituak egiteagatik
Erasoa San Joan egunean izan zen; atxilotutakoa 19 urteko mutil bat da.
Erredakzioa
Ertzaintzak 19 urteko mutil bat atxilotu du Urnietan (Gipuzkoa), adin txikiko neska bati ukituak egiteagatik, Segurtasun Sailak zabaldu duenez.
Salaketaren arabera, gertaera ekainaren 24an izan zen, herri horretako tren geltokiaren inguruetan. Biktima, 16 urteko neska bat, eraikin baten balkoipean topatu zuen babesa, euria ari baitzuen.
Une horretan, gazte bat hurbildu zitzaion eta sexu-harremanak izatea proposatu zion baina, ezezkoa eman zionez, hormaren kontra bultzatu eta zenbait ukitu egin zizkion, baina neskak ihes egitea lortu zuen.
Ertzaintzak ikerketa bat abiarazi zuen, eta bart, ustezko erasotzailea atxilotu du.
Hau zure interesekoa bada, baliteke beste gai hauek ere izatea