Gizartea -
Zirkulazioa
Pertsona bat hil eta beste bat larri zauritu da istripu batean, Derion
Bost autok elkar talka egin dute; lagun bat bertan hil da eta beste batek suhiltzaileen laguntza behar izan du autotik ateratzeko.
Erredakzioa
Pertsona bat hil eta beste bat larri zauritu da bost autoren arteko istripu batean, Derio parean, Bizkaian.
Ezbeharra 13:30ak aldera jazo da BI-631 errepidean, Mungiarako noranzkoan, momentuz argi ez dagoen arrazoiengatik bost autok talka eginda, Segurtasun Sailak zabaldu duenez.
Istripuaren ondorioz, pertsona bat bertan hil da eta beste bat atera ezinik geratu da ibilgailuaren barruan; hori dela eta, suhiltzaileek atera behar izan dute.
Zirkulazioa eten egin du Ertzaintzak eta Artebakarratik igarotzen ari dira ibilgailuak.
